“Kosova Nuda Veritas”, Prishtinë/Kosova 2005
“N. V.”, Rahovec/Kosova 2005

Kosova Nuda Veritas

”Besimi nuk është vetëm në Zot, nuk ka fushë me një lloj bime”, kështu e nisë Artan Balaj rrëfimin e vet për hapësirat pa kufinjë. Drita dhe vijat i shkrijnë botëkuptimet bardh e zi dhe prodhojnë energji të vetëtimës me gjak e dashuri mbi të zezën. E kuqja, ngjallë në dhëmbje gëzimin dhe hidhërimin, ndërsa botrat ekstreme i bën të kuptohën edhe atëherë kur ato nuk e njohin njëra tjetrën. Kaosi nuk është i rastit, ai thirret për të ndërtuar ndryshimin. Vuajtja e ngjyrave dhe formave të mjegullës që ngjallën me të kuqën nuk buron nga paranoja e të panjohurës, por nga përvojat e shumta në një vend të vogël, ku ngulfatja ofrohet si mirëmengjesi.
“Jeta fillon me lindjën apo me ringjalljën” është dilema e pare, që Leonid Palushaj tenton me e zgjedhë në heshtje, si peshku në ujë, në ecje kur e provokon e përditshmja. Fizionomia e ecjës, rrugës dhe udhëtimit, kufizimi i natyrës nga individi dhe i individit nga shoqëria, e shpalosin një përfaqësues të gjeneratës që e preokupon lëvizja dhe kufizimet. Gjeneratë kjo e mendimit lateral që nuk heziton të shprehë mundësitë e kufizuara në Kosovë, deri sa ndjenjat dhe mendimet protestojnë qetë dhe dalin jasht kufinjëve të sajë.

Skender Boshtrakaj
Prishtinë/ Kosovë 2005